食完薯片,你仲會keep住個包裝袋?以前唔會,但將來你可能會!
SECO早前聯同 "Recycle is Fun" 創辦人 Peony Wong 合辦「零食袋大改造」工作坊,教大家將食完即棄嘅零食袋打造成為充滿個性、獨一無二嘅零錢包,充滿玩味之餘,仲可以為地球減廢。

連續4場嘅「零食袋大改造」工作坊中,好開心同咁多位SECO friends見面,有大人又有小朋友,亦好多謝Peony教我哋點用零食袋D.I.Y零錢包,見到大家拎住自己嘅作品都好興奮呢!希望咁多位玩得開心,同時繼續將循環再造嘅環保訊息向身邊嘅朋友分享啦!

再次多謝各位支持SECO,期待下次活動再見到大家!